好旺角粥麵專家 (已結業)

兩個病人，一個咳，一個感冒，經過呢間粥麵店被門口所貼嘅米之蓮推介所吸引，就決定入黎試下佢係咩來頭。呢間粥麵店，舖面咁新淨咁光鮮，又唔係特別出名嘅傳統老字號，竟然獲得車胎人所推介，一開始都有少少懷疑。兩個人，分享左一個套餐，分別要左鮮蝦雲吞撈麵同艇仔粥，再加一碟油菜。鮮蝦雲呑撈麵的確做得唔錯。雲呑皮夠薄，蝦同豬肉饀料都新鮮嫩滑，麵質爽口彈牙。如果唔係病，加埋辣油食一定更見鮮味。艇仔粥相對失色。粥夠細綿但太稀，食到最底似粥水，亦餚得未夠入味。不過配料十分豐富，街外食艇仔粥，連魚都未必有。除左基本嘅魷魚、豬皮等等，呢度仲食到有新鮮魚片同蠔豉，屬意外驚喜。菜心就相對煮得過熟，比較冧。蠔油亦偏鹹。兩個人，盛惠七十九蚊，都算係抵食之選。