喜鍋 海鮮‧火鍋‧小廚 (已結業)

前幾日收到個電話，原來朋友就話想約我出黎食飯，順便去旺角買漫畫，咁我就搵左一日放左工之後出黎，見一見佢，同埋一齊食飯朋友想食火鍋，上網搵左資料，見喜鍋星期日至四晚分享社交平台全單就有88折，我見優惠都好吸引，所以就決定去食依間入到去環境除左整潔外，仲唔會有太多煙霧，坐得舒服，我見到餐牌上都有多款海鮮類，肉類，丸類，菜類等，除左火鍋配菜外，仲有熟食小食，選擇種類非常豐富我就叫左魚湯海鮮鍋$288湯底十分鮮甜，裏面有蜆、蟹(多膏)、蝦等，每樣海鮮都好新鮮，另外我見到有鮮檸酸菜魚鍋，聽講魚肉嫩滑，湯底酸酸辣辣，下次再同朋友黎食，會選擇依個湯底蟹籽墨魚油炸鬼$58款式較為特別，外皮脆口，墨魚彈牙，雙重口感雪花肥牛$128牛肉味香濃，而且有嚼口四寶餃$68可以食到四款唔同種類餃，皮薄足料，我就最愛雲吞，因為有大大粒鮮蝦烏冬$18烏冬食落軟滑，再吸一吸湯，每食一口，都充滿鮮味