漁川米線

小妹系 灣仔返工成日都要搵嘢食，
咁啱一時興起想食米線，
就去咗太原街嗰度， 呢間米線系湾仔幾出名㗎，
成日都有同事喺嗰度食，
今日終於有機會去見識下

餐廳入面個menu得一張紙，
而且主要都係泡飯同埋米線
咁嚟到呢度就梗係食鯇魚米線㗎啦

我同同事一個嗌咗泡飯一個米線

泡飯面嘅蠔仔大大粒，有手指公咁大㗎， 入面嘅蠔仔份量比較多一般出面嗰啲就係好少同埋好細粒㗎，仲有冇腥味

鯇魚好鮮甜 同埋啲骨都比較大容易食， 唔會容易哽骨頭

佢哋個底都係用鮮魚湯，
就算唔嗌嘢飲都唔會覺得好重味精
而且佢哋嘅魚湯可以添飲㗎，
鍾意飲湯嘅大家就岩哂啦。

店入面嘅阿姐做嘢都好快手不過就有少少 耳背囉， 明明我哋兩款都要走青。走芫茜但係淨係走咗一碗。

不過整體嚟講呢間餐廳啲嘢係ok嘅我會再返嚟食