香香宮煮 (金輝大廈)

自從帶過母親大人試過卜卜蜆湯底嘅火鍋之後，日日都嘈住要再食。做仔嘅我，當然有求必應。上OpenRice睇咗好多間，發覺呢間同之前食過嘅好相似，於是一於試一試，睇吓同之前嘅有咩分別。

卜卜蜆湯底
基本上同之前嘅分別唔大，一樣係超多蜆，而且隻隻先甜肥美，處理得好乾淨冇沙。

黃金響鈴
永遠都唔會令人失望。新鮮炸好，蛋黃亦都好香甜，正！

特色丸拼盤
一睇個樣就知道新鮮，特別推介松露芝心墨魚丸，超好食，松露同芝士味道好夾。

特色水餃拼盤
同樣新鮮，特別推介鳳尾蝦雲吞，黑松露蟹肉餃。成隻鮮蝦係水餃蓮蓬味真係第一次食，好食！

基本上食咗咁多間相似嘅火鍋小店，呢間算係最高質素嘅一間。