大滿喜日本料理 (已結業)

舊朋友好耐冇見,於是約食放題。入去坐低睇放題紙,分類由A至L,有食物推介圖,單位清楚。落完放題紙,當然睇下有咩飲,有個大雪櫃,熱飲櫃,有紙包,枝裝,罐裝任拎。刺身寫左法國藍青口,三文魚,油甘魚,珍寶赤蝦,希靈魚,泰式生蝦,鮑片,珍珠貝柱。剌身好快到,片數同放題紙寫既一樣,有多冇少。全部剌身食落去都好新鮮。三文魚色澤好,唔霉,同油甘魚一樣每一片都厚。而剌身蝦好鮮甜又爽口。另外炸物叫左吉列一口芝士丸,紫心香芋波同炸蠔。頭兩樣都煙煙靭靭,有咬口。芝士味都濃,只食炸物都已經滿足。而且出奇地是次放題牛柳粒同牛肋骨既牛質量都唔錯,不過本人認為牛柳粒伴碟既洋蔥有d多..但牛唔靭,調味好。食緊期間店員仲推介限定燉湯不過本人不感興趣。最後連雪糕,雪條都唔夠時間食。整體黎講,食物質素值得一讚