餐廳有壽司、刺身、鍋物、各款串燒小食，今次同鍾意食魚生嘅朋友一齊，點咗多款壽司eg吞拿魚、池魚、油甘魚、鯛魚等等，點餐後見到兩夫妻好溫馨合力用心整作食物，款款都係用心即叫即整！
叫咗幾款魚生，每件都厚切顏色鮮艷，望落去好新鮮，入口都無異味，當中最喜愛係滿滿海膽壽司，入口超級鮮甜，一次過可以叫齊三種不同吞拿魚，魚味較濃嘅赤身、魚油甘香嘅中拖、油脂最多嘅大拖，一次過滿足晒不同部分口感。
另外厚切蒲燒鰻魚壽司都係必叫，大大條燒鰻好肥美。左口魚裙邊壽司都好大條，經炙燒入口甘香肥美好好食🤤
呢間小店真係真心推介俾鍾意刺身壽司嘅大家
