喜鍋 海鮮‧火鍋‧小廚 (已結業)

今次既酸菜魚比之前既有點特別，用薑炒出香味再用魚湯黎熬製湯底好濃郁，所以奶白色同鮮甜，個酸味除左酸菜之外，仲用左新鮮檸檬同青檸黎調攪，有大量大豆芽同芫茜，反而辣椒、花椒不會太重味，而魚係用新鮮鱸魚切片，啖啖肉非常嫩滑，打邊爐前等仲似左4碗湯。蟹籽墨魚油炸鬼打邊爐前黎個小食，油炸鬼炸得好脆口但唔油膩，墨魚滑彈牙再加埋蟹籽惹味又靚。牛魔皇塔用層架擺放3款牛，最頂係牛肉安格斯牛柳粒，中間係本地手切牛、最底係安格斯牛頸脊，牛肉新鮮，呈鮮紅色，油脂比例平均，肉味濃唔鞋肉。我地叫左個幾特別既餃，叫爺孫餃，係餐廳獨有，用酸菜碎同椰菜碎做餡料，估唔到係甘夾又幾得意。另外仲叫左時令海皇盤，海鮮新鮮鮮甜。