鯛魚魚湯專門店 (已結業)

落雨天好想食啲熱嘢暖身，喺附近做完運動之後，就試吓呢個湯飯同烏冬。打開餐牌，都幾多嘢食選擇有唔同嘅海鮮魚湯，又有烏冬。我地點左皇帝蟹腳海膽湯飯，同埋波士頓龍蝦手打烏冬。蟹腳同海膽都好足料，好多條蟹腳，同埋勁多海膽，湯飯吸收左海鮮ge鮮味~ 食完有暖暖嘅感覺。波士頓龍蝦手打烏冬，龍蝦夠鮮味，而且烏東係讚歧烏東，吸收倒湯嘅味道得黎，浸耐左唔會發脹。食到一半我想加辣椒醬，待應向我推薦呢個辛辣味噌，絕對係魚湯上面錦上添花，少少咸得黎唔會搶走晒魚湯嘅味道。