影片
更多
2017-06-02
84 瀏覽
母親節過左一個禮拜， 但係上禮拜屋企人去左旅行就延遲到今日。 朋友話試過個粥底唔錯就帶母親大人去10下10 下。點左個魚雲魚朴肉丸粥底。魚雲嫩滑而無腥味，魚朴無渣，肉丸有口感得來又有豬肉香味。最期待就係沙白，沙白就係蜆的一種， 裡面有大大粒肉但無沙， 仲有陣陣海水味。再滾埋落D粥度超正。手切牛肉，肉味香濃無渣，但又唔會好肥好油膩。文昌雞半隻-文昌雞肉有口感和鮮甜， 食完齒頰留香不愧為廣東8 大名雞之一。至於響鈴最怕就係太油膩， 好多時見到鋪在下面的格油紙已濕了大半，但這裡就無類似的問題， 仲要係加長版響鈴。如果沙白係最期待芝士蝦丸同Wasabi 墨魚丸就係我最想試嘅餸，先係芝士蝦丸， 芝士味重， 咬開一半， 但係又唔係會噴汁那種感覺而係乾身得來有一條條芝士絲。 Wasabi 墨魚丸就令我又愛又恨， 愛的係好似玩緊獎門人D 辣辣壽司咁同朋友玩。恨就係真係好大粒Wasabi ，一淡入口， 就流出男兒淚。反而條沙巴龍躉就普通貨色又比較細碟，新鮮都算新鮮不過肉味偏淡，雖然係海魚但係係養殖的貨色。如果係野生的貨色係皮脆而肉爽。但我知道一貨難求。 壓軸當然係講下D粥，一開始上檯個粥本身個粥係好棉好
點左個魚雲魚朴肉丸粥底。魚雲嫩滑而無腥味，魚朴無渣，肉丸有口感得來又有豬肉香味。
最期待就係沙白，沙白就係蜆的一種， 裡面有大大粒肉但無沙， 仲有陣陣海水味。再滾埋落D粥度超正。
手切牛肉，肉味香濃無渣，但又唔會好肥好油膩。
文昌雞半隻-文昌雞肉有口感和鮮甜， 食完齒頰留香不愧為廣東8 大名雞之一。
至於響鈴最怕就係太油膩， 好多時見到鋪在下面的格油紙已濕了大半，但這裡就無類似的問題， 仲要係加長版響鈴。
如果沙白係最期待芝士蝦丸同Wasabi 墨魚丸就係我最想試嘅餸，先係芝士蝦丸， 芝士味重， 咬開一半， 但係又唔係會噴汁那種感覺而係乾身得來有一條條芝士絲。 Wasabi 墨魚丸就令我又愛又恨， 愛的係好似玩緊獎門人D 辣辣壽司咁同朋友玩。恨就係真係好大粒Wasabi ，一淡入口， 就流出男兒淚。
反而條沙巴龍躉就普通貨色又比較細碟，新鮮都算新鮮不過肉味偏淡，雖然係海魚但係係養殖的貨色。如果係野生的貨色係皮脆而肉爽。但我知道一貨難求。壓軸當然係講下D粥，一開始上檯個粥本身個粥係好棉好好食， 但係對打邊爐來講太傑， 如果下次可以希D好D， 煮完咁多餸個粥真係好好食 ， 食完一碗再一碗。
張貼
