百味川 (已結業)

陪同事去葵涌廣場交收，之後同事請我去廣場入面嘅百味川食嘢，佢話食店嘅蕃茄湯底好好味，好多人都食過返尋味。百味鮮茄魚米線：魚肉冇骨好嫩滑，蕃茄湯底好濃郁，加有蕃茄肉，啖啖湯都鮮味十足，米線掛湯滑溜又鮮甜。鮮茄豬扒滑蛋飯：大大塊豬扒入口鬆化，肉汁豐盛有口感，滑蛋嫩滑有蛋香，配上用蕃茄做成的醬汁，香濃甜美。小食：炸雞髀、炸雞全翼、炸韭菜餃即叫即炸，熱辣辣香脆可口。叫套餐飲品有優惠，鹹檸七：味道鹹鹹地，冰涼解喝。