潮福蒸氣石鍋 (已結業)

今日同咗老公去咗新蒲崗個商場行吓，之後就順便係附近食埋飯先返屋企行行吓見又見到潮福於是又走咗入去幫襯座低後睇落餐牌同其他分店一樣之後我地就叫咗幾款海鮮同粥底之後侍應又拎嚟招牌草帽準備俾我地蒸海鮮先蒸既有海中蝦，大隻之餘，口感好爽口彈牙，而且仲好鮮甜，正之後再蒸美國石蠔，質感肥美又juice，食落香軟滑喉，味道極鮮甜跟著就蒸花蛤，蒸一陣又食得，一啖一粒，鮮味濃郁，很是滋味接住再蒸我老公最鍾意既象拔蚌仔，雖然係細隻咗啲，但味道更勝大隻，鮮甜味十足，加上廚師還加上適量的蒜蓉和薑蔥作佐料，令當中鮮味完全釋放晒出來，真係無得彈，好味另外我地亦叫咗日本大元貝，肉厚膏肥，又鮮又甜又入味，真係好味到都唔知講咩好緊接就有蒸鮑魚，廚師好貼心咁在鮑魚身上左幾刀，令佐料精華可更易滲入其中，食落啖啖鮮啖啖甜，又有口感，爽口無比非常，good呀～最後集精華大成所在的瑤柱鮮淮山粥底就更是整餐的點睛之處，味道爆鮮甜，又唔會煮得變成漿糊，反而仲能食出粒粒飯粒，好有口感，瑤柱又很鮮甜，淮山剛爽口，食落口感極具層次，確係令人總係想一食再食今晚好滿足，又好味，開心開心