川公所 (已結業)

今日兩個人食飯想食下啲小菜又唔想太飽，記得上次同朋友食過川公所唔錯，有好多選擇，所以今次有同男朋友一齊試下啦。👩‍❤️‍👨🌟麻辣小龍蝦🌟都算係我哋今次嘅主菜。佢每一隻都算幾大隻同幾多肉。鮮紅色嘅外殼裏面啖啖肉，麻辣味十足。跟住嗌返少少脆口嘅小食🌟小酥肉🌟。每一嚿都炸到好香脆，每一嚿都好有鹽酥嘅味道，鹹鹹地咁又唔會太油。如果想試下啲新鮮嘅海鮮可以試下🌟蒜蓉燒扇貝🌟。啲肉都幾大舊幾鮮味，蒜蓉呢完全滲入曬裡面，而且仲帶有微辣嘅味道。最後食埋呢個🌟干鍋田雞🌟就剛剛好飽又唔會太飽。好鍾意佢上面滿佈芫茜，令成個菜式都添上香味。每一粒田雞肉細細粒容易入口，脆脆地，味道亦都充滿麻辣香。絕對值得回頭再試嘅餐廳！