鮨逸

多得網上飲食誌拍片推介，得知托壽星仔女鴻福，於其生日前後一星期內到臨「鮨逸」享用廚師發辦晚餐，全單可享八折優惠（優惠期至3月31日為止），週四晚為好友慶生，XO仔請客都深感特別歡欣。

1

「鮨逸」水牌

樓上壽司屋座落於銅鑼灣核心地帶，大廈對面就係地鐵站，交通方便得很。新店佔用面積全層，並無設置私人廂房，步出升降機門即可望到整個用餐大堂內嘅壽司吧位及合併式散座。

2

用餐大堂：壽司吧位及合併式散座

和式以木為主嘅間隔樸實開揚，窗邊可見少許可愛嘅擺設，最搶眼就係天花上與外出蔚藍天空極為相襯嘅球狀燈飾。

1

精美燈飾及可愛擺設

既然有心要黎食廚師發辦，訂座時就講明要坐壽司吧，並確認當真可享網上所提及嘅生日折扣。除咗餐牌之外，壽司吧枱上只擺有自用餐碟及筷子。

1

壽司吧位

埋位後迅即有暖手嘅綠茶。

1

綠茶

清酒項目共有兩頁，每頁下方清楚列明如貴客自攜佳釀，開瓶費為$200一樽720ml及$350一樽1.8L。

1

餐牌

1

酒牌

1

酒牌

據悉，晚市最受歡迎就係二十五道菜嘅廚師發辦套餐（$1,280/位）。

1

廚師發辦套餐（$1,280/位）

其餘散點項目則有三頁之多。

1

散點餐牌

1

散點餐牌

1

散點餐牌

為兩口子備餐嘅B師傅忙碌地處理食材之時，先呈上薑片及爽脆開胃嘅漬物。

1

開胃漬物

「鮨逸發辦」第一式為鮮紅清爽嘅「水果蕃茄」，由於糖份較高，所以完全唔覺酸。

1

水果蕃茄

1

水果蕃茄

第二道嘅「無添加水母」晶瑩有光澤，咬落爽脆非常，輕輕黏上杯中嘅柚子醋即增添清新，墊底嘅兩片青瓜都一樣咁爽。

1

無添加水母

剛踏入季節嘅海產代表有爽滑嘅「富山灣螢光魷魚」，簡單以鰹魚豉油伴薑蓉足以吊出螢光魷魚嘅鮮濃。勁想去日本嘅小肥留意到師傅刻意配上粉色嘅藍點小缽，彷彿正要帶大家一遊春天嘅富山灣，欣賞被沖上岸邊嘅螢光魷魚締造出如繁星天際般閃出藍光嘅海景，暗藏嘅心思有XO仔會意到哦！

1

富山灣螢光魷魚

即場切出刺身前，師傅先展示一下北海道獨有嘅「大溝貝」真身。

1

北海道大溝貝

碟上兩片薄薄嘅大溝貝刺身上方為貝肉，下方為邊邊，食落好似厚厚嘅象拔蚌咁半爽半脆，鮮甜有嚼勁。

1

北海道大溝貝

半捲起嘅厚切「油甘魚刺身」鮮爽肥潤，！

1

油甘魚刺身

燈光問題下嘅照片效果偏黃，相中嘅「北海道水八爪魚肉」其實好白雪雪。八爪魚二重奏中前方為清甜爽彈、卜卜脆嘅吸盤粒粒。

1

北海道水八爪魚

後方三片八爪魚肉薄片建議捲入剔透嘅桃佐醋啫喱進食，DIY八爪魚卷微酸帶甜，清麗怡神。

1

北海道水八爪魚

鱈魚白子不時都會食到，細佬都係初嚐「河豚白子」，師傅介紹時講明此物不能生食，因河豚有毒，生食其白子後輕則感到麻痺，重則會死亡，絕對唔講得笑！圓餅形嘅鹽燒河豚白子外脆內軟綿，味道偏淡，食落有啲似燒豆腐咁。

1

河豚白子

邊炙烤壽司時，師傅強調魚品為「地金目鯛」！用得個「地」字即代表其油份比普通金目鯛多，價格亦相對地高。

1

地金目鯛壽司

地金目鯛壽司散發著魚油嘅焦香，橙亮嘅魚皮帶微微韌度，魚肉則柔潤鮮甜，感覺猶如美味嘅旋律在舌上舞動，何其精彩！

1

地金目鯛壽司

灰邊嘅「北寄貝壽司」爽口脆身，唧上青檸汁令壽司份外清涼醒神。

1

北寄貝壽司

輕輕燒過嘅「BB銀鱈魚壽司」幼嫩軟滑，細膩在於其甜味跟隨油脂慢慢滲進味蕾，美妙窩心。

1

BB銀鱈魚壽司

粉色嘅「鮟鱇魚肝」經紅酒秘方慢煮，靚肝芳香軟腍，毫不乾嚡，香濃而不膩口，外表雖不甚吸引，但實屬極品也！

1

鮟鱇魚肝

離遠已聞到「牡丹蝦」傳出醇厚嘅酒香，原來蝦隻係用花雕酒醃過夜嘅。

1

花雕牡丹蝦

橙色紋理鮮明嘅牡丹蝦爽脆豐潤，從蝦頭啜出嘅蝦膏精華比蝦身更鮮濃入味！

1

花雕牡丹蝦

2

花雕牡丹蝦

如相所示，源自長崎縣小長井嘅「華漣蠔」蠔殼色淡巧薄。

1

長崎縣小長井華漣蠔

據悉，殼薄厚肉嘅華漣蠔乃「日本蠔王」，選以華麗嘅透明玻璃器皿承載相信係要突顯其非凡之份量！

1

長崎縣小長井華漣蠔

肥嘟嘟嘅生蠔飽滿爽潤，滑溜非常，吃畢濃郁嘅鮮味洋溢口腔，王者風範盡在不言中！

1

長崎縣小長井華漣蠔

銀光閃閃嘅「深海池魚壽司」尤其有光彩，魚腩位鮮香肥潤，滋味無窮。

2

深海池魚壽司

疊得高高嘅「松葉蟹壽司」上層為雪白纖幼、清甜香嫩嘅松葉蟹肉，頂面有一丁點松葉蟹膏，另伴橙亮艷麗嘅三文魚籽，組合令口感更有層次，同時亦能提升各食材嘅鮮味，成功造出點精之效。

1

松葉蟹壽司拼三文魚籽

魚皮燒至攣起嘅九州「赤鯥魚壽司」屬頂級白身魚，油脂豐厚得黎甜潤嘅魚肉極富彈性。

1

赤鯥魚壽司

「白見貝薄切」爽脆彈牙，簡單沾上山葵醬油已夠清甜。

1

白見貝薄切

熟成咗七日嘅「鰤魚魚腩」紅潤爽厚。

1

鰤魚魚腩

師傅將「磯煮鮑魚」切片後於鮑片上塗上一層薄薄以鮑魚肝混蟹膏調製出嘅秘醬，清中帶濃嘅鮑片好有嚼口。

1

磯煮鮑魚

1

磯煮鮑魚

接著成條炸煮嘅為節令「香魚BB」，雖則話可以由頭食到落尾連骨都唔洗𦧲，忌骨嘅小肥當然係請埋魚后女伴啦！

1

脆炸香魚BB

「馬糞海膽壽司」外層嘅紫菜巧薄香脆，海膽餡心軟嫩滑溜，濃甜味佳。

1

馬糞海膽壽司

同樣以紫菜包製嘅「藍鰭吞拿魚腩壽司」粉嫩嘅外表油潤有光澤，外脆內爽厚，鮮香無比！

1

藍鰭吞拿魚腩壽司

感激身邊嘅好友慣性地幫XO仔食有骨嘅魚生，不過細佬單憑「海鰻壽司」嘅外觀其實都已感覺到海鰻幼嫩溶口嘅質感。

1

海鰻壽司

屈指一算，踏入甜品環節經已係第二十四道菜，真係冇諗過水果都可以製出天婦羅菜式喎！

1

士多啤梨天婦羅

熱辣炸出嘅「士多啤梨天婦羅」只黏上超薄嘅炸漿，小杯中嘅日本士多啤梨小山呈現出鮮紅嬌美嘅色澤，菂薂可愛！師傅巧妙地於士多啤梨面灑上海鹽粉及唧上煉奶，神來之筆直令果物之香氣及甜美加倍濃烈可口，妙哉！

1

士多啤梨天婦羅

金黃閃爍嘅「玉子布甸」用上蛋黃出名橙美嘅高級日本蛋蛋烹調，入口柔滑軟熟，香濃鮮美，且毫冇溜感！

1

玉子布甸

食完二十五道菜後仲有一碗清香暖胃嘅鮑魚湯，湯品內有隻是日加送嘅廉貝。

1

鮑魚湯

壓軸上陣嘅「水信玄餅甜品」豐滿圓滑，於翠綠色嘅紫蘇葉上搖晃，極富夢幻嘅顏值咁高當然係要拍段短片同大家分享吓啦！清澈透光，質感爽涼嘅水信玄餅彈吓彈吓，韌度十足！點上側旁嘅黑糖漿及黃豆粉即能添上輕盈嘅甜美。由有美肌瘦身之效嘅「天使的眼淚」（水信玄餅之別稱）為豐盛嘅「鮨逸發辦」作結，似乎是寓意喜極而泣吧！

2

水信玄餅甜品

銅鑼灣新店「鮨逸」環境簡潔企理，服務優質，師傅專業有耐性，花下心思所設計嘅晚市廚師發辦內容豐富，用材高質鮮美，菜式健美不膩滯，價格合理得很！XO仔已訂好下月壽辰再戰「鮨逸二十五式」，希望到時仍可享牛一優惠啦！