鮨瀛海 (已結業)

前排行完K11出嚟就見到呢間外賣壽司店嘅Menu已經好想試，選擇夠晒多樣，今日咁啱有嘢做，順便叫埋個外賣返屋企😍有選擇困難症嘅我唔知揀咩好，職員推薦咗omakase，於是叫咗飛機直送12貫，由廚師發板幫我揀，真心好高質，有鮎魚、赤身、油甘魚腩、鯖魚、真鯛、劍魚腩、炭烤鰹魚、深海池魚、石鯛、白玉貝、白子同埋酢鯖魚卷，好癲款款都好好味❤️個人top1最鍾意白玉貝，口感爽身，而且鮮味重；top2係深海池魚，厚身又滑，海鮮味濃；top3就係油甘魚腩，油脂味重，一啖食晒好yummy😘職員仲好有心會同我講解邊款打邊款，唔會食咗都唔知食咗邊款；同埋佢仲比埋冰袋同幫我包好，細心度💯