影片
更多
2018-08-07
120 瀏覽
嚟到呢間幾出名嘅小店食飯因為舖頭得壽司師傅同店員兩個人，人少少，反而更感受到小店嘅溫暖店員好nice會同我哋傾偈，又隨時幫我哋fill熱茶每人嘅檯頭都有隻好大嘅碟，方便師傅將食物直接放係你面前首先佢放咗啲新鮮海草同山葵末，冇落任何調味，可以清清喉嚨，質地爽口第一樣嚟嘅係白身嘅粒貝，質地較硬身，但亦不乏貝類嘅爽口師傅落咗少少青檸，令味道更突出，鮮味十足之後落嚟好幾個菜都見師傅有落青檸汁，真係食到食材嘅原汁原味赤貝鎅開好似八爪魚咁相對粒貝，佢嘅質地較腍，容易咬亦好爽口言談之間同女店員講開食omakase嘅基本原則，就係師傅將食物放係你面前就要盡快食用除咗係表示尊重之外，特別係貝類，啲神經係師傅處理完真係會慢慢由活躍變得冇反應，所以即食最好而魚類都係最好係5秒黃金時候食北海道真蠔好肥美大隻，食落肉質甘甜藤湖貝鮮味十足，開口好大，幾乎不費功夫已經夾起貝肉第一次食，白雪雪嘅肉質感有啲似青口，唔係爽滑嘅，反而有點腍海膽三文魚籽茶碗蒸係熱吃，不過上面嘅海膽同三文魚籽就係半熟，應該係最後一刻先放上去嘅蒸蛋嘅質感好似燉蛋/豆腐花，一夾就散好滑，一啲都唔老，配合埋海鮮嘅鮮甜，係滿滿幸福感然後師傅開始上壽司
因為舖頭得壽司師傅同店員兩個人，人少少，反而更感受到小店嘅溫暖
店員好nice會同我哋傾偈，又隨時幫我哋fill熱茶
每人嘅檯頭都有隻好大嘅碟，方便師傅將食物直接放係你面前
首先佢放咗啲新鮮海草同山葵末，冇落任何調味，可以清清喉嚨，質地爽口
第一樣嚟嘅係白身嘅粒貝，質地較硬身，但亦不乏貝類嘅爽口
師傅落咗少少青檸，令味道更突出，鮮味十足
之後落嚟好幾個菜都見師傅有落青檸汁，真係食到食材嘅原汁原味
赤貝鎅開好似八爪魚咁
相對粒貝，佢嘅質地較腍，容易咬亦好爽口
言談之間同女店員講開食omakase嘅基本原則，就係師傅將食物放係你面前就要盡快食用
除咗係表示尊重之外，特別係貝類，啲神經係師傅處理完真係會慢慢由活躍變得冇反應，所以即食最好
而魚類都係最好係5秒黃金時候食
北海道真蠔好肥美大隻，食落肉質甘甜
藤湖貝鮮味十足，開口好大，幾乎不費功夫已經夾起貝肉
第一次食，白雪雪嘅肉質感有啲似青口，唔係爽滑嘅，反而有點腍
海膽三文魚籽茶碗蒸係熱吃，不過上面嘅海膽同三文魚籽就係半熟，應該係最後一刻先放上去嘅
蒸蛋嘅質感好似燉蛋/豆腐花，一夾就散
好滑，一啲都唔老，配合埋海鮮嘅鮮甜，係滿滿幸福感
然後師傅開始上壽司，切咗啲春薑出嚟
啲春薑係佢自己醃製，可以俾我哋清喉嚨
而師傅就默默咁清理壽司檯
鯖魚壽司中間夾住塊紫蘇葉，平時唔太鐘意紫蘇葉味道嘅我都覺得好清新
加埋下面嘅赤醋飯，整個感覺好和風
黑拖羅入口即溶，油脂靚到呢
食落滿滿濃郁嘅味道，真係好想佢可以一直留係口腔
師傅係佢自己檯面不斷咁幫我哋處理料理
呢個加左青檸汁嘅白海膽都好有驚喜
白海膽比較少食，味道冇馬糞海膽咁甜，但仍然好清爽，而且每瓣都好厚肉，啖啖鮮味
拖羅小卷入面有較大嘅拖羅切粒同較碎嘅拖羅蓉，食落有兩種層次，口感豐富
加上蔥粒，紫蘇同芝麻粒調味好搭
飯仲係暖嘅，刺身就係凍嘅，由師傅親自遞上嘅就係對日式料理嘅態度
miso shiru味噌湯係用咗鰹魚，角切嘅魚肉，豆腐，油豆腐等等去煮
雪白嘅湯好有鮮味但又唔會腥
最後甜品係一道北海道小玉西瓜
平時有黃肉嘅小玉，今次食係紅玉嘅，感覺都好甜，個種甜係好天然清純嘅，為呢餐簡單作結
張貼
