影片
更多
2018-02-23
151 瀏覽
鮮一夜火鍋 同朋友係荃灣行街行到攰，天氣又凍，所以決定搵間火鍋店烚下烚下，行到眾安街大鴻輝中心見到呢間「鮮一夜火鍋」有個「一夜皇御套餐」，唔單止有得打邊爐，仲有雞煲、鮑魚、刺身等等，於是就決定食呢間！ 一夜皇御套餐 五色刺身併盤(三文魚、帶子、赤蝦、希靈魚、北寄貝) 一坐底侍應就會過嚟問雞煲想食大辣、中辣定小辣，我地都麻麻地好辣，所以就揀左小辣。揀好雞煲辣度之後，侍應就拎左五色刺身併盤俾我地喇～入面有三文魚、帆立貝、赤蝦、希靈魚、北寄貝，全部都好新鮮好好味！特別鍾意佢塊三文魚，夠哂肥美～ 紅燒花膠翅 食完刺身之後，就侍應馬上過嚟收野，拎左紅燒花膠翅比我地！個湯飲落好鮮甜，而且隻花膠真都幾大塊架～ 鮑汁扣海參併溏心靚鮑魚 仲有鮑汁扣海參併溏心靚鮑魚，鮑魚炆得好入味，而海蔘就彈形有口感～ 即炒奇妙雞煲 終於嚟到雞煲喇，我地叫左小辣都，都真係有小小辣架，不過食落又幾惹味。 藥膳養身鍋 食到咁上下，就係時候打邊爐喇！火鍋湯底有六款可以揀，分別係藥膳養身鍋、杏汁豬肺鍋、重慶麻辣鍋、養氐椰子雞鍋、香濃豬骨湯、芫茜皮蛋湯，我地就揀左藥膳養身鍋。 航母海鮮併盤(包括5
鮮一夜火鍋 同朋友係荃灣行街行到攰，天氣又凍，所以決定搵間火鍋店烚下烚下，行到眾安街大鴻輝中心見到呢間「鮮一夜火鍋」有個「一夜皇御套餐」，唔單止有得打邊爐，仲有雞煲、鮑魚、刺身等等，於是就決定食呢間！
一夜皇御套餐 
五色刺身併盤(三文魚、帶子、赤蝦、希靈魚、北寄貝) 一坐底侍應就會過嚟問雞煲想食大辣、中辣定小辣，我地都麻麻地好辣，所以就揀左小辣。揀好雞煲辣度之後，侍應就拎左五色刺身併盤俾我地喇～入面有三文魚、帆立貝、赤蝦、希靈魚、北寄貝，全部都好新鮮好好味！特別鍾意佢塊三文魚，夠哂肥美～
紅燒花膠翅
食完刺身之後，就侍應馬上過嚟收野，拎左紅燒花膠翅比我地！個湯飲落好鮮甜，而且隻花膠真都幾大塊架～
鮑汁扣海參併溏心靚鮑魚
仲有鮑汁扣海參併溏心靚鮑魚，鮑魚炆得好入味，而海蔘就彈形有口感～
即炒奇妙雞煲
終於嚟到雞煲喇，我地叫左小辣都，都真係有小小辣架，不過食落又幾惹味。
藥膳養身鍋 食到咁上下，就係時候打邊爐喇！火鍋湯底有六款可以揀，分別係藥膳養身鍋、杏汁豬肺鍋、重慶麻辣鍋、養氐椰子雞鍋、香濃豬骨湯、芫茜皮蛋湯，我地就揀左藥膳養身鍋。
航母海鮮併盤(包括5-7款時令海鮮)
係我地叫左嘅野食嚟之前，侍應會拎左航母海鮮併盤同安格斯肥牛比我地先，海鮮併盤入面啲蜆真係勁大隻，勁厚肉～
安格斯肥牛
我最鍾意嘅就係佢地嘅安格斯肥牛，肉味濃郁之餘，肉質仲非常鮮嫩～
50款火鍋配料任叫任食
食左咁多好野，我地都叫左啲清淡啲嘅蔬菜嚟打邊爐，大家可以去近門口嘅雪櫃度拎新鮮嘅蔬菜，隔離有野飲可以拎，飲品嘅選擇都幾多，可樂、雪碧都一定有，仲有道地嘅檸檬茶、菊花綠茶，其他有凍頂烏龍茶、忌廉溝鮮奶、牛蒡茶等等。
兩個半鐘，一邊慢慢食一邊同朋友傾計，真係好滿足呀！$300都唔洗就可以食到咁多好野，真係勁抵！下次再同屋企人去食先！
張貼
