龍袍

營業中

休息中

公司請食飯呢間全新開嘅餐廳，菜單得幾個餸！環境可以，不過上菜嘅過程一直好緩慢，都係分菜，不過喺旁邊分左再碟碟上！睇得出員工好生手，問咗幾次飲乜？答香檳，之後都係攞咗杯可樂過嚟，再重複兩杯香檳，佢都係比一杯我哋…暈，食竹笙羹問佢攞醋，佢竟然俾食大閘蟹用嗰啲醋.....跟住食物到咗講真都知道呢啲地方會價錢係偏貴，早知道份量分碟會比較少，菜唔值錢都係得幾粒，個感覺真係幾寒酸！我都唔知係我哋公司出嘅價錢有問題定係餐廳本身真係咁.......湯圓都竟然可以得一粒，最可惜係我冇影到相三小碟普通過普通海參燒肉其實係得一粒海參一粒燒肉，圖中見到多咗一粒係因為同事冇興趣比多粒燒肉我，啲海參唔林，唔好食蟹肉竹笙羹冇咩特別普普通通和牛粒牛味幾好，好食大閘蟹一啲都唔肥，蟹膏唔香，極度失望鮑魚因為唔食蟹嘅同事就會有鮑魚，呢個鮑魚真係正到暈，真係出色嘅炒飯呢個都好食好香湯圓笑死人之作，第一粒好肉酸總括餐廳嘅食品只有鮑魚比較出色，其餘都係普通貨色，冇乜嘢好推介，食完之後仲係好肚餓囉！真係唔知係公司問題Bridget定係個餐嘅問題啦