A-1 Bakery & Châteraisé (已結業)

老媽子生日，買番個蛋糕影相是常識吧，平時一般買開鮮果蛋糕，最愛芒果脆脆，但今日七點幾去買已經賣晒，咁唯有試下新野。行左幾間鋪頭，見到A1-bakery呢個蛋糕好得意，創意100分，d鮑魚大蝦做得為栩栩如生，老媽子見到都好開心。不過，通常d咁靚既蛋糕，個味道都唔多好。果然，上面最靚果d鮑魚大蝦係糖膠，基本上影完相就可以擺埋一邊，食得既部分係朱古力蛋糕加cream，味道就一般蛋糕味。所以，呢個蛋糕買黎玩下影相都幾好，食就普通，買過一次表示唔會再買，因為我想食好味既蛋糕多d。