Toro Toro (已結業)

呢間食店都開左一段時間，開業時好似都幾平，但過左咁耐已經變左正常價錢啦Set lunch好似係$78+10%起，熟食有滑蛋豬排、鰻魚飯、鯖魚定食等，刺身飯就$108起。要左個最基本嘅什錦角切魚生飯，有沙律同麵豉湯，都係standard野。個魚生飯碗細細唔係好多飯，但女士們一定夠食，男士就有機會唔夠飽。細碗但鋪滿吞拿魚、三文魚、白身魚、甜蛋同青瓜粒粒。menu寫白身魚，其實即係乜？估計都係油甘魚嗰啲大路野... 甜蝦蝦尾早已斷開，夾起有點失落，味道仲完全唔鮮甜😞刺身普普通通，唔算特別新鮮。好好係講唔上架喇，但公道啲，$108喺中環都冇乜地方食到魚生飯，行過少少豊之丼價錢高過呢度啲啲、環境又冇咁好，咁揀呢度好過咯。