伊勢日本料理 (已結業)

大約幫親伊勢十年了，由當初覺得好貴到而家覺得佢幾抵食(價錢其實都有浮動過)，但係唯一冇變就係O的食物口味！咁多年佢地O的魚生都好好食。其實我食得好簡單，都唔係次次叫好多野，有時只係叫兩個定食老闆都幾好招呼咖。講開定食不得不提其魚生飯盒。此魚生飯盒有兩款：伊勢風魚生飯盒及特級魚生飯盒。其實兩者分別不大，都係切碎的雜錦魚生飯，前者中間係一隻生雞蛋(日本無菌雞蛋)而後者就係海膽。我們推介大家吃特級那種(如果唔係太討厭吃海膽的話)。只多加三十元就有幾多份量的海膽，而大多數時間都係非常新鮮，唔會有一些劣質海膽的腥臭味。我通常會先唔落任何調味，夾幾口海膽，那份鮮味真的很強烈，通常因為咁我也忍不住再叫多客海膽的！當中的魚生也很新鮮，主力會有三文魚、吞拿魚、八爪魚和和油甘魚，而隨著來貨的問題，有時會有甘蝦或帶子或北寄貝等，配料尚有小黃瓜和青瓜。不知就裏我就是喜歡魚生飯盒，反而魚生飯定食、壽司定食就冇咁鍾意，即使用料都係O個堆魚生啊！另外很喜歡的是西京銀雪魚、鰻魚、天婦羅、餃子和蠔。老闆是個很好客的人，遇著一些喝酒的顧客，他也會把酒幾杯；有時太餓他也會端出炸魚皮等小食；雪糕多是綠茶或芝麻，但有時會有些特