真味日本料理 (已結業)

係荃灣想食啲好味啲既日本野，其實選擇都唔算好多。見朋友推介呢間真味，就晚市黎試下。一入就有位，唔洗等，店員都好主動serve我地。.我地嗌左三文魚刺身、帶子壽司、牛舌同玉子燒。.佢一上份三文魚刺身真係嚇親，係厚切，好大份！望到都流哂口水！份三文魚刺身又真係幾好味，因為夠厚，三文魚味都濃，但就講唔上係新鮮，口感方面可以滿足到既。.另外再試埋個帶子壽司先！鐘意食帶子既朋友見到應該會好開心，因為佢同樣地都係好大份既，不過都係唔算好新鮮，但不過不失，見到咁大份都開心哂啦。.玉子燒同牛舌冇影到，但呢兩樣都普通，玉子燒唔太似玉子燒，有少少失望。整體黎講性價比唔算好高，但如果想食日本野既都可以試下。