山窿謝記魚蛋 (已結業)

星期日入左香港仔玩Wii, 早左黎未夠時間影下相, 就順便黎試下出名的謝記.初初以為舖仔細細好多人, 原來隔離舖都係佢, 一樣爆棚.又以為排隊等位, 原來果係隊係等外賣!入到去因為一個人食, 所以好易就攝到個單人位食.要了碗魚片米, 這裡運作模式有點特別, 繁忙的時候, 粉麵類就叫伙記落單, 其餘的炸魚皮, 厚切魚片就到熟食檔蓋單.這裡的魚片是靈魂, 魚片米有好幾件, 雖不是厚切, 但皮炸得香口, 厚得來不會柴皮, 米粉都幾爽口, 湯是清湯, 淡淡的.埋單十七蚊, 都幾好食, 不過食完就一定要去買支野飲.