生記鮮魚湯米線 (已結業)

港島區幫襯開兩間魚湯麵店，一是生記，二是漁川。漁川比生記平少少，但d 自選配料同港式粉麵店無乜分別，而生記會特別d，所以貴少少都係合理。剛巧到上環一趟，諗住去南記啦，點知排到出門口。生記一樣要等，但在門口等一次、入到去坐就唔駛煩，方便好多，唔駛自己搵位。香酒雞絲魚湯米線 $38只是叫香酒雞絲一個配料，唔好以為好寡好plain，呢度既雞絲同譚仔既差別很大。呢度既雞絲首先夠厚肉和腍滑，其實係用雞柳，啖啖肉之餘一定夠滑。個酒味勁突出，食過呢度既雞絲，就唔會再去譚仔食雞絲。飲晒個湯就夠飽既，不過今次米線份量好似少左d，睇我撈晒d 料去碗既一邊就知，其實得3/5 碗，其餘都係湯。