魔芋麻辣雞 (已結業)

冬天唔食雞煲仲等幾時啊，雖然這個冬天不太冷，但都要黎食下先得，呢度嘅格局有啲似大排檔，但係室內嘅，多人嘅時候氣氛幾熱鬧開心，除咗食雞煲我都見有人點小菜，睇落好大碟，下次有機會要試吓!! 今次就點左魔芋香辣雞煲，隻雞幾有肉食幾滑，最怕隻雞好瘦又好多骨，但呢度就冇咁嘅情況，呢度嘅魔芋都幾特別，有少少厚度有咬口，吸左少少雞煲嘅汁幾好食!! 食完雞煲都有6-7分飽，再order少少火鍋料嚟食就啱啱好，早知唔使order韭菜餃，因為已經好飽同埋什丸拼已經有!!