魔芋麻辣雞 (已結業)

近年來雞煲店真係開到周街都係 想突圍而出 無d特色都搞唔掂 今次我地去既呢間雞煲又真係幾有驚喜 幾有特色😎呢到除左雞煲 其實仲可以叫小菜同食烤魚 不過既然店舖名都叫得麻辣雞 我地當然要試番佢地既雞啦🐥 雞煲方面佢地就分左5隻口味 我地就叫左半隻招牌魔芋麻辣雞煲🤤 唔食得辣既我地就揀左微麻辣🌶 呢到既老闆娘同店員都好好人 不時會過泥幫你炒下個雞煲 又會傾下計 得知原來d魔芋都係老闆娘親自整既家鄉特產😍 一上雞煲就聞到好香麻辣味 等左一陣就食得 除左雞 仲有大量魔芋 果然無介紹錯 魔芋索哂d麻辣汁 勁惹味又q彈👅 雞比想像中辣一點 不過係正宗麻辣既味道 好香辣得過癮👍🏻食到咁上下我地就叫左西洋菜同牛柏葉作為火鍋材料 本來仲想追加一份魔芋試下打邊爐 不過老實既老闆娘話魔芋加左入火鍋味道唔夠濃 會無咁好味所以我地就放棄左無叫啦😆 西洋菜甜甜地 好岩食完麻辣雞煲食👍🏻 牛柏葉足料大件有咬口 加埋支冰凍啤酒🍻 夠哂麻甩好爽丫🌟