Cafe相靠油麻地地鐵站B出口，位於M1酒店一樓。個人真係超鐘意呢間Cafe嘅裝修，有啲似愛麗絲夢遊仙境，以森林系為主題，融入唔同嘅動物同卡通人物，處處都係打卡位，超級正呀！
另外，店員嘅服務態度都超好，好有禮貌，同埋不停幫我哋加水！
🧡城墻小食拼盤配自家製蛋黃醬（小)（$168）
小食拼盤好豐富，有美式甜辣香脆雞翼、德國腸、脆炸薯條、甜番薯角、馬蘇裡拉芝士條同三角流心芝士，份量多到我哋兩個人食唔哂！所有炸物都炸得好酥脆！雞翼超好食，外脆內嫩，一啖咬落滿口滋香！流心芝士超芝味濃！芝士條都好正，超拉絲！
🧡牛油果忌廉蟹肉扁意粉（$168）
份量好大，蟹肉好多！味道偏淡，意粉軟硬適中，收汁收得夠乾身，都幾好食！
🧡棗，姨媽媽駛乜驚（$68）
上網睇啲食評話飲品麻麻，但唔信邪都係嗌咗杯試下，果真如網上所講，真係mamaday！味道麻麻，價錢偏貴，唔太建議試呢杯紅棗酸奶，紅棗同酸奶唔太夾，感覺稍怪！
