元朗鬼巴士 (已結業)

久仰元朗鬼巴士之名，佢哋嘅潮汕涼拌鹵味都有口皆碑，而之所以叫鬼巴士，係因為創辦人曾經係特約演員，電影鬼巴士就係佢嘅代表作。最近佢哋進駐荃灣，趁嚟開呢頭就買嚟食吓。去到嗰陣有條人龍，好彩唔洗等好耐就買到。佢哋嘅餐牌寫鹵味分別有牛柏葉、滷水柏葉、生腸、火雞腎、乳鴿腎、豬心，豬脷、豬耳、豬頭肉、扎肉、香腸，想每款食啲，於是買咗盒大雜錦。店員將鹵味塞到滿一滿，份量都真係唔少。牛柏葉易咬唔韌，生腸脆而滑溜。火雞腎體積比一般雞腎大，咬起嚟爽口彈牙，豬頭肉軟嫩。另外仲有香腸同扎肉等等，再撈埋甜醬、黃芥辣、醬油，甜得嚟又有麻油香，都真係幾惹味。