影片
更多
2010-10-07
54 瀏覽
一位好耐冇見嘅舊同事戚小姐早一陣子相約師傅食飯一聚, 師傅當然冇問題啦, 原先呢個飯局應該係兩星期前, 奈何戚小姐要睇周姐輪個唱, 於是就延期至上星期三晚, 而飯局地點就由戚小姐揸旗! 戚小姐就問師傅怕唔怕辣, 而師傅只係同佢講至怕唔辣!地點同餐廳由戚小姐揀選左, 不過師傅一直都唔知喺邊, 到左當日先知原來要由一個鬼地方去另一個鬼地方, 有幾鬼呢? 咪就係由鰂魚涌黎去到西營盤囉! 坦白講真係偏僻到不得了, 如果唔係戚小姐沿路遙控指示, 師傅一定唔搵唔到! 去到見到戚小姐後, 師傅先知戚小姐原來住喺附近, 唔怪之得咁熟路啦! 帶住師傅左兜右兜, 終於黎到食店門口, 師傅望一望個牌, 還以為係師傅個好友萍姐開嘅添!入到食店後, 立即先黎一枝大啤, 啤啤佢先; 至於食咩呢, 戚小姐就唔使師傅費心, 皆因戚小姐一早已經落晒單, 師傅就坐喺度等食! 吹下水, 第一樣登場係燒雞翼兩串, 見到燒雞中翼師傅都不知幾開心, 皆因燒雞翼我至鍾意食; 於是即該食隻先, 燒雞翼燒得香脆, 肉質鬆滑, 有齊呢d基本要求唔好味都難, 話都冇咁快就食晒兩隻雞翼! 接住落黎係唔知咩浸花甲, 師傅真係唔知佢點整, 好似
地點同餐廳由戚小姐揀選左, 不過師傅一直都唔知喺邊, 到左當日先知原來要由一個鬼地方去另一個鬼地方, 有幾鬼呢? 咪就係由鰂魚涌黎去到西營盤囉! 坦白講真係偏僻到不得了, 如果唔係戚小姐沿路遙控指示, 師傅一定唔搵唔到! 去到見到戚小姐後, 師傅先知戚小姐原來住喺附近, 唔怪之得咁熟路啦! 帶住師傅左兜右兜, 終於黎到食店門口, 師傅望一望個牌, 還以為係師傅個好友萍姐開嘅添!
入到食店後, 立即先黎一枝大啤, 啤啤佢先; 至於食咩呢, 戚小姐就唔使師傅費心, 皆因戚小姐一早已經落晒單, 師傅就坐喺度等食! 吹下水, 第一樣登場係燒雞翼兩串, 見到燒雞中翼師傅都不知幾開心, 皆因燒雞翼我至鍾意食; 於是即該食隻先, 燒雞翼燒得香脆, 肉質鬆滑, 有齊呢d基本要求唔好味都難, 話都冇咁快就食晒兩隻雞翼! 接住落黎係唔知咩浸花甲, 師傅真係唔知佢點整, 好似浸又好似灼, 不過點都好, 最重要係花甲新鮮, 味道鮮甜, 再點上呢度秘制「酸辣醬」真伙勁正, 酸辣醬嘅酸同辣調教得剛剛好, 唔會太酸亦不會過辣, 好正; 呢個酸辣醬戚小姐有同師傅推介過, 仲同師傅講好辣架, 不過對於師傅黎講就唔算好辣, 反而覺得好惹味!
接住落黎仲有泰式海鮮生菜包, 呢個生菜包真係落足料, 除左有扎肉外, 仲有魷魚, 蝦仁同肉碎, 魷魚夠爽口, 蝦仁夠新鮮大隻, 而且十分爽口, 至於肉碎同扎肉就一般, 不過呢個汁就非常惹味, 酸酸辣辣, 配上生菜大塊新鮮, 成份生菜包真係叫好又叫座, 絕對係必食推介; 最後仲有炒飯同炒通菜, 炒飯炒得好乾身, 味道討好, 香香辣辣, 非常之正; 炒通菜嘅通菜十分嫩綠, 份略嫌油少少, 整體亦算甚佳!
總括黎講食物質不俗, 服務有禮, 環境清潔乾淨, 係地方細少少, 而價錢都唔貴, 食咁多野每人都係百幾蚊, 師傅就覺得幾抵食! 師傅同戚小姐雖然成日都喺網上聯絡, 但就好耐冇面對面咁見過, 是次一見發現大家都別來無恙, 實在令人歡喜; 對於是晚飯局師傅真的非常滿意, 所以笑臉一定要比, 有機會都會再黎; 但要師傅再次黎呢個鬼地方真係唔容易, 除非戚小姐再次相約啦! 最後還得多謝戚小姐嘅介紹, 更重要係多謝戚小姐嘅邀請, 皆因戚小姐冇收到師傅一分一毫呀!
張貼
