Layback Cafe & Bar (已結業)

係鬧市之中想搵個正整地嘅地方傾計同食好西，呢個cafe係值得推薦。呢間餐廳嘅賣點係佢出邊有一個天台，唔想咁侷促嘅可以喺出邊坐。我哋叫咗兩個小食，分別係芝士煙肉焗有機大蘑菇同埋日本極上和牛粒配喜馬拉雅山岩鹽，個大蘑菇覺得幾好食，好足粒，啖啖煙肉連同大啡菇一齊食口感一流，加埋芝士就唔使講。另外煮食我哋叫咗明太子炸軟殼蟹忌廉扁意粉同埋煙三文魚蟹籽卡邦尼扁意粉，軟殼蟹炸得脆身唔油，而佢哋嘅忌廉意粉調校得好好食，亦唔會好’漏‘。飲品方面我哋叫咗兩杯，一杯係伯爵茶朱古力特飲，令一杯係薄荷朱古力沙冰兩杯都唔會好甜，伯爵茶朱古力幾特別，飲緊朱古力嘅同時亦都有淡淡茶香。最後甜品我哋就見咗兩件焦糖燉蛋味卷蛋，味道好有趣，中間啲忌廉真係有焦糖燉蛋味。總結來講，呢間Cafe好適合幾個女仔朋友上嚟傾吓計，而且食物質素又好好，絕對值得推薦。