SAM'S COOK (已結業)

朋友响附近返工，行開佐敦就搵佢食飯，佢建議去呢間小店～ 話好好食一定唔會後悔，講到咁大當然嚟試吓啦～～門口望入去，店唔大，我粗略估計可容納20人。環境氣氛都令人好適服，乾乾淨淨，坐入去好似去咗外國cafe嘅感覺～ 好後悔無影相。店員好親切，好細心，可能因為細店，所以容易照顧到客人，留意到佢哋需要咩～ 良好服務態度仲要免加一服務費！窩夫早餐 ＄65，包熱飲，凍飲好似＋＄3。窩夫非常香脆，熱辣辣好好味！沙律大大份，唔係罐頭生果，睇落唔似好多，但食哂剛好又唔會太飽（女仔），食物即叫即整，熱辣辣新鮮上枱，好有誠意！唔會覺得一早整好是旦叮熱HEA你！雞蛋真係好有蛋味，唔係廢話，好多食店d蛋都唔知溝過咩，淡味甚至無味，呢度感覺所有嘢都好真材實料！！用心整！！白汁鮮菇蜆肉意粉 ＄63 ＋ 餐湯／熱飲／沙律 （沙律同上圖窩夫沙律所包一樣）呢一碟比較淡味，（因為白汁本身淡味）本身係濃味人，叫錯咗，唔緊要，起碼即叫即炒，而且都好多汁一d都唔小家！唔係少少咁比你半碟都撈唔到！！價錢唔平又唔貴，但加埋環境氣氛服務態度，超值！！雖然食物都要等一陣，但唔會令你遲返公司打卡～ 返屋企見仲未有Sam's Cook 個