巴辣仔烤魚雞煲 (加連威老道) (已結業)

嚟開尖沙咀行街搵嘢食，見到加連威老道有間新開烤魚雞煲店，心郁郁決定入去幫襯下。香港嘅烤魚店都試過好幾間，但係做到條魚新鮮好食，調味又正宗嘅，真係唔多間。首先，自助方式係出邊拎醬料，仲有幾款小食、西瓜俾你食住等主菜。烤魚有得揀深海大斑，仲有多款口味選擇，再配有四種配菜。我哋揀咗香辣小辣再加金菇、豆卜、大豆芽、蓮藕😍😍另外朋友都想試吓雞煲所以就加多半隻肥腸雞煲，呢個就試吓大辣💦💦烤魚嚟到喇，真係好大條⋯⋯而成條魚都有走油爆過所以唔會鬆散，啖啖肉好大份。條魚真係俾我哋好大驚喜！魚肉好新鮮，調味正宗得來完全帶得出條魚嘅鮮味，最初真係想飲兩啖湯底😆😆 雖然小辣但係會越食越辣，所以啱啱好🔥🔥至於配料方面，好夾🤩🤩仲索晒啲汁。 好似冷落左個肥腸雞煲，但其實一啲都唔失色🙈 雞件好滑，咬落有質感。要讚一讚個肥腸，爽口彈牙，食得多都唔會太滯。雞煲個醬料就比較濃味，相當惹味！就咁食啲主菜其實都飽左一半🤣 仲有下半場打邊爐！～ 當然唔少得手切肥牛、紫菜響鈴、美國筒蠔、珊瑚蚌、脆鯇腩、油麥菜～個湯底一路煮都仲好有味，所以下半場打邊爐都相當唔錯。 超級滿足，真係食到捧住個肚走啊！