影片
更多
2014-07-27
765 瀏覽
近期喺網上得知旺角新開左間新嘅拉麵店，名叫「雷拉麵」。作為拉麵迷嘅小弟已經快速試完店方所有口味嘅拉麵啦~~~!!!店方四款唔同口味嘅拉麵，究竟有咩特別之處？ 以下會逐一介紹:「雷」賣相方面: 配上博多風拉麵傳統嘅配料，簡單自然~叉燒方面: 選用腩位部分，肥瘦比例為6:4，類型為「燒豚」。叉燒經鹵水浸過再將表面用火炙燒， 採用薄身切法，所以食落去非常入味又冇出現「鞋口」情況。唯一要彈嘅係肉質比較鬆散...麵條方面:店方選用日本小麥粉，本地麵廠製造。小弟揀左「直麵」，因為小弟覺得直麵配豬骨湯底係最好嘅配搭! 而且直麵掛湯會比較集中...食落去比較爽快。 硬度揀左「硬」。因為揀「硬」麵嘅話，浸湯時間會比較長，麵唔會太快變「淋」。麵質唔錯~不過多番啲麥香就更加好... 味玉方面:圖片所見，幾乎全熟...但係第一次幫襯嘅時候食嘅味玉係相當唔錯...依隻應該係失
店方四款唔同口味嘅拉麵，究竟有咩特別之處？ 以下會逐一介紹:
「雷」賣相方面: 配上博多風拉麵傳統嘅配料，簡單自然~
叉燒方面: 選用腩位部分，肥瘦比例為6:4，類型為「燒豚」。叉燒經鹵水浸過再將表面用火炙燒， 採用薄身切法，所以食落去非常入味又冇出現「鞋口」情況。
唯一要彈嘅係肉質比較鬆散...
麵條方面:店方選用日本小麥粉，本地麵廠製造。小弟揀左「直麵」，因為小弟覺得直麵配豬骨湯底係最好嘅配搭! 而且直麵掛湯會比較集中...食落去比較爽快。
硬度揀左「硬」。因為揀「硬」麵嘅話，浸湯時間會比較長，麵唔會太快變「淋」。
麵質唔錯~不過多番啲麥香就更加好...
味玉方面:圖片所見，幾乎全熟...但係第一次幫襯嘅時候食嘅味玉係相當唔錯...依隻應該係失手之作...
(P.S:上圖為第二次幫襯嘅時候影嘅...)
湯底方面:濃度合格...正常人接受到嘅程度。當然濃度又未去到「重口味」程度。
飲落去順口唔會太咸，湯底表現令人滿意~
------------------------------
「赤雷」賣相方面:四款口味之中顏色最鮮艷~搶眼度十足!
配料方面:除左基本嘅叉燒之外，仲有鮮蕃茄蓉同埋三文魚籽。
抵讚嘅係三文魚籽大大粒，咬落去令人覺得好滿足!
麵條方面:小弟都係揀左「直麵」。蕃茄味湯底配直麵係一個唔錯嘅選擇~
啲麵夾埋三文魚籽一齊食嘅話，咬口度即時升!
不過小弟食完「赤雷」又覺得蕃茄味湯底配「曲麵」都可以一試~
味玉方面: 味玉表面經鹵水浸過，所以十分入味!流心程度高~ 同第二次食「雷」嘅味玉實在差太遠...
(P.S:上圖為第一次幫襯嘅時候影嘅...)
湯底方面:一開始飲嘅時候會感受到微微嘅辣味...再撈埋啲蕃茄蓉飲嘅時候，辣汁同蕃茄蓉出乎意料咁夾!
辣味同酸味兩者中和...令湯底味道提升!
( P.S:鍾意食辣嘅朋友不妨點餐叫「赤雷」嘅同時可以剔埋「辛辣醬」，相信味蕾刺激感相對提高~)
------------------------------
「黑虎」賣相方面:黑色湯底之中有橙色蟹籽做襯托，「點綴效果」即時出現~
配料方面:有蟹籽同埋鮮蟹肉，份量適當。因為配料都係用左「蟹」...算係「雙重享受」~
麵條方面:小弟揀左「曲麵」。小弟覺得曲麵配濃味湯底會比較好...因為曲麵麵身會比直麵粗少少，掛湯嘅時候濃味會較平均分散係麵條上面，唔會一下子俾大量濃味直撃味蕾...不過店方嘅「曲麵」麵身嘅粗度個人認為未至於叫做「太麵」嘅程度，係小弟眼中頂多係叫做「中麵」...
叧外一個問題就係店方嘅「曲麵」嘅長度不足。食落去間中會有「斷」嘅感覺，麵身唔夠連貫，爽快感下降...
不過剔除長度不足嘅問題，其掛湯能力同直麵一樣都係相當唔錯~而且麵同蟹籽一齊食嘅話會有「啪啪聲」，咬感相當有趣~
湯底方面:四款口味之中味道較濃嘅一款。豬骨湯同墨魚汁嘅估計比例為7:3。當然墨魚汁比例當然係會多一啲...但係飲到落豬骨湯味仍然感受得到。鍾意濃味嘅朋友應該會對「黑虎」有興趣。
不過墨魚汁係「黑虎」仲有另外一個作用，就係帶出鮮蟹肉嘅鮮甜味。吸收左鮮蟹肉吸墨魚汁嘅濃味，係濃味之中深透絲微嘅鮮甜味。可以算係「黑虎」嘅出色之處!
------------------------------
「青麟」賣相方面:焦點放喺黑魚籽同帶子刺身度~黑白色強烈對比...令人印象深刻!
配料方面:有黑魚籽同埋帶子刺身。帶子刺身大大塊~正呀!亦因為咁，四款拉麵嘅定價入面，最高嘅就係「青麟」。理由當然係用左價錢比較貴嘅帶子刺身黎做配料啦...不過$86可以食到依個質素嘅帶子刺身，個人覺得合理。
麵條方面:小弟揀左「曲麵」。不過試左個菠菜汁湯底之後發覺現階段嘅「青麟」嘅味道確實較淡...再用曲麵品嚐只會將菠菜汁湯嘅味道變得更加分散...
所以現階段嘅「青麟」，小弟會建議大家用「直麵」品嚐...等菠菜嘅味道集中番。
叧外，黑魚籽嘅發揮感覺上同「黑虎」嘅蟹籽差唔多~同啲麵一齊食嘅話都係會有「啪啪聲」。
湯底方面:應該係四款口味之中實力較弱嘅一款。原因係菠菜比例較少...因為小弟係飲依個湯底嘅時候，只係感受到微微嘅菠菜味道...此處係敗北之一。
雖然湯底弱...但係其清淡感同帶子刺身嘅清意外地甜洽到好處!
帶子刺身沾左少少菠菜湯，菠菜湯變成左調味料，令到食帶子刺身嘅時候會多左一種蔬菜味道。依樣算係為「青麟」嘅湯底弱問題彌補番少少分數~
所以小弟建議店方稍微提高些少菠菜嘅用量，平衡番豬骨湯嘅比例。改良過後，「青麟」個人覺得應該都會幾受鍾意清淡口味嘅朋友歡迎~
------------------------------
同場加映:第二次幫襯當日小弟有幸得到店方徐師傅嘅邀請參觀廚房。(上圖可見正係煲緊嘅豬骨湯火候十足!絕對係真材實料!)
------------------------------
略評:
「雷」:豬骨湯底基本功出色! 但係食慣左「重口味」嘅小弟黎講...濃度可以再提高~
「赤雷」:四款口味之中番食指數最高~因為味道真係有驚喜!
「黑虎」: 墨魚湯、麵同蟹籽嘅配合...值得一試!
「青麟」:大大塊嘅帶子刺身係其賣點!整體配搭就好似「清淡口味+高級配料」版本嘅「黑虎」咁...
總結:
「雷拉麵」應該係喺香港少數可以食到用刺身類食材黎做配料嘅拉麵店~
對於鍾意試新野嘅香港人黎講，「雷拉麵」絕對係近期推介之ー!
店内格調充滿日本小店風格~店員服務態度良好~
小弟亦趁住徐師傅有空檔嘅時候同佢大談拉麵經，交流意見~徐師傅好好禮貌，令小弟對店方嘅印象分大増!
「雷拉麵」嘅表現小弟會俾「中上」。期待有進歩空間~值得一讚嘅係飲完成碗湯完全冇出現口渴情況~
期待店方可以將上述小弟提出嘅問題加以改善...相信不久「雷拉麵」就會成為旺角區嘅拉麵新貴!
張貼
