泓居酒屋 (已結業)

餐廳用酒樽做擺設，加上特色燈飾，別有一番風味。🦑魷魚糯米飯- 見到每枱都必叫大大條魷魚，我哋都好想試吓！嚟到仲係熱辣辣，點少少魷魚內臟做成嘅汁，好鮮啊🤩🍢 牛舌心 + 荔枝豚肉卷 + 豚肉燒- 牛舌心爽脆多汁，好嫩滑- 荔枝同豚肉係超級夾，無得輸🤤- 豚肉燒好重豬味，燒得啱啱好，一啲都唔乾🍣泓卷- 梗係叫返個招牌卷物試試佢，嚟到已經見到砌得好靚，上面係三文魚碎加洋蔥粒，飯卷入面有玉子蟹柳同青瓜，成個卷好matchy matchy🍳蟹玉子燒(熱)- 微甜嘅玉子配上蟹肉絲同蟹膏醬，好鮮甜🥛乳酸梳打 + 荔枝梳打- 叫咗少甜，平時好多舖頭都會話落糖水做唔到少甜，呢度嘅店員好細心真係幫我哋做到，好抵讚👍🏻人來人往嘅尖沙咀海港城對面竟然有間小店居酒屋，有夜景又抵食，仲要好舒適地可以同朋友傾吓偈食吓串燒飲吓嘢。唔使周圍排隊等位食貴價餐廳，真係鬧市中的螢火蟲🤩