我地黎得較早，未有太多客人入座，但食食下竟然滿座了，真係好受歡迎。餐廳內係簡約工廠風格，安靜，舒適。
👇🏻叫了兩個set，今日餐湯係【椰菜花忌廉湯】湯比較清，唔會太飽肚，開胃。【蒜香牛油法包】烘得十分酥脆。
👇🏻【蒜蓉蟹肉龍蝦扁意粉】蒜蓉味啱啱好，蟹肉同龍蝦好足料。意粉裹著醬汁，鹹甜適中，十分入味，擺盤亦很精緻用心。
👇🏻【七成熟肉眼牛扒】火候掌握不多不少，牛扒好大舊，鐵板紋路清晰可見，牛扒下藏著薯菜。
牛扒鮮嫩多汁，好易切開，好易入口，好易咬爛，外面煎得小小脆，肥膏一啲都唔膩，反而好軟糯，同牛肉一齊入口，肥瘦搭配，鹹香味美，每一啖都係享受。
好特別嘅係，薯菜的選擇不是普通的大舊薯仔切細舊，而是直接用細個薯仔，呢啲薯仔口感更軟糯，更粉更滑，細節見高招。仲有秋葵，zucchini，都非常清爽可口。
👇🏻最後係甜品【朱古力cheese cake】甜度適中，朱古力醬香濃幼滑，蛋糕口感唔膩，反而有些顆粒感，更好食。
一餐飯，有美食，有舊友，有舒適的環境，有友善的服務，真係好值得。
