Dazzling Cafe (皇室堡) (已結業)

今日同媽咪呀妹係銅鑼灣行街行到攰，就入咗呢間有兔仔耳櫈嘅餐廳，就係dazzling cafe喇！記得好耐之前去過the one果間，好中意食佢地個窩夫，今次都一定要食呀！最後我地一行三人叫左明太子意粉，軟殼蟹沙律同埋綿綿珍珠奶茶鬆餅。明太子意粉我好中意食明太子，雖然呢碟意粉無肉，但係有滿滿嘅明太子cream同紫菜，好好味又好飽肚架！軟殼蟹沙律碟上面有一隻大大嘅軟殼蟹，再加上新鮮嘅蔬菜整成嘅凱撒沙律，好惹味！雖然軟殻蟹係油炸嘅，但係配合下面嘅沙律一齊食，個感覺都好清新，唔好好膩~最後出場嘅當然就係綿綿珍珠奶茶鬆餅啦！一切落去係好鬆脆嘅感覺，而咬落去呢就係煙煙韌韌嘅mochi口感，加上陣陣嘅奶茶香同埋珍珠，好似食得到嘅珍珠奶茶呀！