舒房 (已結業)

難得喺忙碌嘅12月可以同朋友享受休閒嘅下午，我哋就揀咗呢間喺北角嘅Cafe。呢間Cafe嘅空間雖然唔大，但環境舒適。而且設有室外空間，可以邊歎咖啡邊望街景，都幾chill😎本身打算試吓佢哋嘅意粉，不過賣曬。所以我同朋友都叫咗個All Day Breakfast (價錢為$98)，味道上唔錯。All Day Breakfast 包括蘑菇、炒蛋、煙肉、司華力腸同埋一片麵包。而我就好欣賞佢塊麵包，另外，炒蛋亦炒得嫩滑。整體份量足夠，不過食量較大嘅朋友就可能唔夠飽。🤭除咗All Day Breakfast之外，我哋仲叫咗杯Flat White同Hojicha Latte(凍 $48)。Hojicha Latte味道唔甜而且重焙茶味，本身鍾意飲焙茶嘅話，絕對值得一試！而朋友叫嘅Flat White，奶嘅比例唔錯，味道香濃。