Layback Cafe & Bar (已結業)

同事介紹呢間Layback Cafe & Bar，最近約左朋友想上試試，餐廳環境幾Cozy，有室內室外位置，幾有氣氛。《忌廉芝士磨菇釀雞翼 $68》色澤金黃惹味，裏面釀左蘑菇碎、忌廉芝士，香滑濃郁又香口。《自家製南瓜汁天婦羅蝦雜菌意大利飯 $128》自家製南瓜汁Creamy少甜，食到少少南瓜蓉，Risotto唔會過腍，混入爽脆雜菌增添口感。天婦羅蝦炸漿剛好唔會太厚，蝦肉爽口，如果有多啲調味會再好食啲。《明太子軟殼蟹忌廉扁意粉 $138》軟殼蟹夠晒大隻，多肉炸粉薄，但有啲唔新鮮。扁意粉彈牙掛汁，忌廉汁幾香，略嫌明太子味唔夠突出。《朱古力Oreo沙冰、士多啤梨朱古力沙冰》賣相不錯，各有一球朱古力雪糕，沙冰感幾重。