影片
更多
2019-01-20
76 瀏覽
難得尋到鬧市中的一角寧靜，可以在疲累中得到一些慰藉。約上朋友食個飯，傾下計，明明沒有飲酒，卻不覺沉醉在影影綽綽的燈光中。回頭率：🌕🌕🌕🌕🌑環境：🌕🌕🌕🌕🌑服務：🌕🌕🌕🌕🌑份量：🌕🌕🌕🌗🌑味道：🌕🌕🌕🌕🌑【Summary】打卡聖地，環境氣氛清幽，適合小聚，食物無論擺盤定味道都好有心思。————————————————————<香煎上級盲槽魚柳> HKD168😍兩塊魚柳表面煎得香脆，帶有淡淡的胡椒味，搭配淋在表面的醬汁(橙汁？檸檬汁？蘋果汁？)，鹹香中帶有清新的水果甜味。而魚肉火候又控制得啱啱好，唔會乾柴，當魚油滲入肉裡，更顯得鮮嫩多汁。伴碟的薯蓉亦非敷衍之作，綿滑得來食得出牛油同奶味，卻又沒有過於重手導致肥膩厚重。<軟殼蟹肉醬千層麵(牛)> HKD148😍原隻軟殼蟹望到都覺得興奮。所以即使唔中意千層麵，依然不能免俗點左哩款主菜。話就話軟殼蟹都喺果啲味，伏極有限，但總有出色與否之分。而哩度嘅軟殼蟹個人就認為中上，炸得乾身酥脆，唔會太燶亦唔會泛油光。而千層麵竟然都有驚喜。一向中意Al Dente口感，所以唔中意千層麵半硬不腍，又多芝
回頭率：🌕🌕🌕🌕🌑
環境：🌕🌕🌕🌕🌑
服務：🌕🌕🌕🌕🌑
份量：🌕🌕🌕🌗🌑
味道：🌕🌕🌕🌕🌑
【Summary】
打卡聖地，環境氣氛清幽，適合小聚，食物無論擺盤定味道都好有心思。
————————————————————
香煎盲槽魚柳
$168
15 瀏覽
0 讚好
0 留言
<香煎上級盲槽魚柳> HKD168😍
兩塊魚柳表面煎得香脆，帶有淡淡的胡椒味，搭配淋在表面的醬汁(橙汁？檸檬汁？蘋果汁？)，鹹香中帶有清新的水果甜味。
而魚肉火候又控制得啱啱好，唔會乾柴，當魚油滲入肉裡，更顯得鮮嫩多汁。
伴碟的薯蓉亦非敷衍之作，綿滑得來食得出牛油同奶味，卻又沒有過於重手導致肥膩厚重。
軟殼蟹肉醬千層麵(牛)
$148
28 瀏覽
0 讚好
0 留言
<軟殼蟹肉醬千層麵(牛)> HKD148😍
原隻軟殼蟹望到都覺得興奮。所以即使唔中意千層麵，依然不能免俗點左哩款主菜。
話就話軟殼蟹都喺果啲味，伏極有限，但總有出色與否之分。而哩度嘅軟殼蟹個人就認為中上，炸得乾身酥脆，唔會太燶亦唔會泛油光。
而千層麵竟然都有驚喜。
一向中意Al Dente口感，所以唔中意千層麵半硬不腍，又多芝士腍到發膩嘅口感。但係哩度嘅千層麵焗得很軟身，冇出現軟硬不均的尷尬情況。而肉醬非常出色，番茄蓉好多，茄味濃郁，正是酸味中和左千層麵的單調和飽滯。肉醬中的牛肉亦不少，切得細碎，啖啖都有肉粒，肉味頗濃。
芝士白酒煮海蜆(伴法包)
$84
13 瀏覽
0 讚好
0 留言
芝士白酒煮海蜆(伴法包)
$84
28 瀏覽
0 讚好
0 留言
<芝士白酒煮海蜆伴法包> HKD84😍
打卡排名No.3。但佢絕對喺今晚性價比之最。
滿滿一砂煲大大隻肥美的海蜆，一粒沙都冇，鮮味并沒有完全被芝士蓋過，而白酒的餘韻更突出海蜆的甜味。不過重口味如我，就更加希望味道可以再重一點。
作為麵包控，香脆的法包蘸芝士白酒鍋其實比海蜆更為吸引。拉絲的芝士絕對喺治愈的感覺啊。
曲奇朱古力奶昔
$65
18 瀏覽
0 讚好
0 留言
<曲奇朱古力奶昔> HKD65 😀
打卡排名No.2。
見到用碗裝住的奶昔真係O左嘴，澎湃的爆谷曲奇點睇都唔似奶昔。好豐富的口感，甚至可以當甜品食。不過奶昔方面如果可以再濃味些少會更好，朱古力味道稍微弱左一點，飲落亦唔算好濃稠，更加似飲緊朱古力奶。
熱情果接骨木花果茶
$56
23 瀏覽
0 讚好
0 留言
<熱情果接骨木花茶> HKD56 😋
打卡排名No.1。
成個花樽咁上來，如果唔喺一早做左功課有心理準備一定會問喺咩。酸酸甜甜，味道唔會過甜，又唔會有好假的糖漿味。飲得出接骨木花味，清新又消滯，唯一覺得搞笑喺成日覺得自己飲緊花樽水😅
💁🏻♀️裝潢有格調，擺設好有設計感，營造出一種小酒吧同文青相互融合的感覺
💁🏻♀️座位唔算好多，不過尚算闊落，就算今次坐高凳都坐得幾舒服
💁🏻♀️服務好好，知道我第一次來食仲特登同我地推介食物，告知我地盲槽同海蜆都喺每日新鮮採購、牛面頰肉喺小店好少有得食所以比較有特色、豬扒喺西班牙豬所以唔會煮到全熟以保持多汁的口感 etc.
💁🏻♀️小食同主食性價比都好高，擺盤用心，好吸引人，而烹調方面亦全不馬虎
💁🏻♀️雖然喺旺角來講唔算好平，但品質同環境都絕對值得哩個價
張貼
