Warren (已結業)

好耐無去過大坑，依舊寧靜的一個小社區，是一個吃飯談心散步的好地方，今天同友人了去了Warren 吃西餐。蟹肉芒果沙律，用一個雀巢放上蟹肉芒果沙律，見到雀巢就會想起小時候中菜的那道菜，估不到在西餐又有另一種風味，雀巢脆脆的，一絲絲幼條，配沙律好夾好味道。同朋友各自一人一主菜，燒紐西蘭羊架配粟米餅迷迭香燒汁，羊架熟度剛好，不會過熟，肉質不會太硬，有咬口，當中夾住一點肥膏，特別香口，羊味濃，但不算太羶。主菜擺放美美的，加上色彩繽紛的配菜，配羊架的薄荷汁畫在碟上。香煎美國頂級西冷伴焗芝士忌廉薯仔配黑松露燒汁，厚切西冷牛扒，西冷肉質厚實、脂肪唔多、肉味重，配菜唔係一般薯菜，係用新鮮薯仔切片做成類似千層麵感覺，面頭仲有焗香左芝士，加上秋葵同玉米荀，成個MAIN COURSE都好精緻。