影片
更多
2017-11-18
242 瀏覽
上星期四同男朋友一齊去咗呢間餐廳食晚餐，我哋兩個都係第一次去，入到去見到環境幾乾淨、座位都幾大幾舒服。七點半已經坐滿晒人，外面仲有人排隊所以建議大家都係訂位比較好。一坐低我地就即刻睇吓個Menu有咩食，種類好多有成十幾頁紙可以揀佢有一個前菜區可以俾你揀一啲開胃小食，種類都唔少架，連章魚小丸子都有，而且仲要係好食唔係凍冰冰、好硬嗰啲。而飲品亦都有好多種選擇，有成三個雪櫃都放滿晒飲品，啱晒有選擇困難症既你第一round我哋每樣都嗌左少少嚟試吓，刺身好新鮮、份量夠大、賣相吸引，其中虎蝦刺身有成食指咁長，所以如果只係兩個人去好有可能第一round就已經差唔多飽。最值得一提嘅係日式番薯仔天婦羅同埋榴槤炸彈，番薯仔好有番薯香味又鬆軟、外表脆卜卜，多重口感！榴槤炸彈一咬落去啲榴槤蓉湧晒出嚟，成個口都充滿着榴槤味，熱辣辣食落去真係好過癮(利申:我同男朋友都好鍾意食榴槤)由於我同男朋友都唔係食得好多嘅人，所以我哋好快就落咗甜品部份。甜品驚喜地有好多種選擇，除咗普通嘅雪糕杯、雪條、雪米糍之外，仲有雪糕機提供本身以為係軟雪糕但原來佢係乳酪雪糕，仲可以自己加toppings添，讚！如果唔鍾意食雪糕，佢仲有一啲
一坐低我地就即刻睇吓個Menu有咩食，種類好多有成十幾頁紙可以揀
佢有一個前菜區可以俾你揀一啲開胃小食，種類都唔少架，連章魚小丸子都有，而且仲要係好食唔係凍冰冰、好硬嗰啲。而飲品亦都有好多種選擇，有成三個雪櫃都放滿晒飲品，啱晒有選擇困難症既你
第一round我哋每樣都嗌左少少嚟試吓，刺身好新鮮、份量夠大、賣相吸引，其中虎蝦刺身有成食指咁長，所以如果只係兩個人去好有可能第一round就已經差唔多飽。
最值得一提嘅係日式番薯仔天婦羅同埋榴槤炸彈，番薯仔好有番薯香味又鬆軟、外表脆卜卜，多重口感！榴槤炸彈一咬落去啲榴槤蓉湧晒出嚟，成個口都充滿着榴槤味，熱辣辣食落去真係好過癮(利申:我同男朋友都好鍾意食榴槤)
由於我同男朋友都唔係食得好多嘅人，所以我哋好快就落咗甜品部份。甜品驚喜地有好多種選擇，除咗普通嘅雪糕杯、雪條、雪米糍之外，仲有雪糕機提供本身以為係軟雪糕但原來佢係乳酪雪糕，仲可以自己加toppings添，讚！
如果唔鍾意食雪糕，佢仲有一啲迷你蛋糕提供，全部都細細件咁就算你想試晒所有款式都唔怕'溜'～
總括嚟講呢間一間有質素同提供好多選擇比客人嘅放題，絕對唔會話食一陣就覺得冇嘢食，建議大家三五成群或者一家人一齊嚟食，咁就可以叫多啲嘢食，唔怕食唔晒會曬咗同可以乜都試啲～
張貼
