花月宮 (已結業)

夜晚同朋友去咗尖沙咀打邊爐，餐廳環境雅緻，裝修別出心栽,而且空間寬敞，坐得闊落。餐廳鍋底選擇多，我同朋友就點了個雪蓮子桃膠椰子🥥雞鍋湯底，選了配料芝士腸、薯粉、豬潤、米線同牛將軍拼盤，2個人都夠食。成個邊爐精華係個椰子湯底，香甜入味，椰子味濃，令人一試難忘。而且，雞好新鮮，肉質鮮嫩。小食黃金脆蟮球炸得金黃香脆，食落熱辣辣🔥，非常香口。檸檬🍋薏米水飲落開胃。牛將軍拼盤用料上乘，有牛黃喉、牛胸爽、黑柏葉。牛黃喉食落有口感、嚼口，食材係屋企較難處理。牛胸爽食落唔油膩，爽口，而黑柏葉亦好新鮮。餐廳午市有一人鍋，亦係唔錯選擇。🤤♥️ 人均傷害💰：~ $400 （晚市）♥️