明記潮館 (砵蘭180+商場)

Happy Friday當然要同朋友Chill吓
呢間潮州小館開到凌晨3:30！
位於旺角砵蘭街嘅樓上舖頭，唔算難搵。
食物款式多樣化有冷盤有熱食一定有款啱你。

🥜 花生炆雞腳
醬汁係精華，雞腳吸滿香氣，勁濃，花生軟硬程度適中，簡直係下酒好伴侶！

🐚 堂焗煲仔花蛤
花蛤鮮嫩多汁，焗後散發著啖啖香氣。

🦐 海味粉絲雜菜煲
粉絲吸咗海鮮嘅鮮味，調味清淡，幾健康，加上各種雜菜，估唔到仲有大大條蝦乾，增添味道。

🥘 溫公齋煲
蔬菜新鮮，湯底鹹香入味，呢度嘅粉絲相比之下更加惹味，加埋大量齋，配粥一流。