SOFFEE (T.O.P This is Our Place) (已結業)

今日約左朋友係旺角中心附近見面，近近地就搵左SOFFEE去坐低飲杯野傾下計。餐廳位於T.O.P.地下近彌敦道果邊。餐廳以簡約裝修為主，坐位唔算好多，但坐得幾舒服。 本身淨係諗住飲杯野，點知一入門口就俾個蛋糕櫃吸引住。蛋糕款式好多，而且件件都勁精緻，勁吸睛。最後忍唔住蛋糕同飲品都叫各叫左兩份。 日本宇治抺茶麻糬蛋糕 ($58) 蛋糕好靚，外層係宇治抺茶脆片，面頭再有一片特濃宇治抺茶朱古力。蛋糕每一啖都食到好香抺茶味。抺茶控一定會鍾意。食到底，仲會有一大粒麻糬~ 鮮果撻 ($58) 鮮果撻表面鋪滿新鮮青提配上幾粒新鮮藍莓，青提同藍莓都好甜。撻入面係吉士忌廉，餅底都焗到好香脆，配合埋新鮮水果，食落完全唔會覺得肥膩。 黑糖珍珠奶茶-伯爵茶底 ($42) 奶茶底茶底伯爵茶味好濃，黑糖又唔會太甜。 芋泥珍珠奶茶-烏龍茶底 ($42) 芋泥少少甜，吊起左烏龍茶嘅茶香。 總括而言，餐廳食物質素唔錯，蛋糕特別出色。另外環境好靜，好適合三五知己相聚。