串點 (已結業)

長沙灣露營風串燒小店⛺🍡 店內外都擺滿露營枱櫈同露營用品 真係有野外camping既感覺😇當晚由兩位年輕人主理 串燒小食即叫即燒製作需時 種類同味道一般般唔算花巧出眾 但勝在係食個環境 瘋狂loop住周杰倫既歌 成個vibe幾正幾relaxing 岩曬一眾收工想逃離人類荒謬(但逃唔到)既打工仔🥲🥲🦞龍蝦沙律冰冰涼涼既前菜 蝦肉比預期多同大粒 紫菜亦夠脆 包住龍蝦沙律黎食一流 (仲有個口水鵝腸都想試)🍢串燒拼盤脆骨雞肉丸子配上鹹鹹甜甜既照燒汁 可惜唔算咬到好多脆軟骨雞肉串燒有麻辣同沙嗲咖哩味 尚算香口嫩滑西班牙黑豚腩半肥瘦 爽彈juicy~🍜厚切餐肉蛋麻辣撈一丁有少少麻辣汁 令平平無奇既丁麵變得惹味 餐肉煎到外脆內軟香口熱辣辣 撈埋蛋汁非常邪惡😈