文華饕記 (已結業)

繼續發掘黃埔紅磡土瓜環好味道🙈今次幫襯咗呢間良心小店🙆🏻‍♂️餐廳嘅座位都算幾闊落，環境乾淨，價錢定位都係街坊值， 50幾蚊個午餐，餐單亦會日日更新，對出街食飯嘅打工仔嚟講簡直係恩物～💛《生煎豬扒蛋飯🐷🍳》$58 Lunch包熱飲豬扒都幾大塊，而且厚切，煎得非常香，醃料食得出少少香茅味，肉質鬆軟，但仍有咬口，應該沒有多用鬆肉粉，抵讚😉！隻煎蛋就略嫌唔夠燶邊，同埋小編鍾意食生蛋黃，今次就有啲偏熟。最驚喜嘅係原來佢係配蔥油，蔥油份量好多鋪滿成碟飯，再加埋甜豉油，撈飯食一流😋！飲埋杯香滑奶茶，都只不過盛惠$58 ，喺黃埔返工嘅打工仔想支持良心小店又多一個選擇喇！💛