登堂 (已結業)

今晚跟朋友到觀塘The Wave一間裝修摩登的登堂新派餐廳，一開電梯已見全層都是餐廳的，見到後排有一長吧枱，牆身還有一排好宏偉的酒櫃，好壯觀，色彩鮮豔的樽蓋，非常搶眼，每枝酒都有價錢牌，任君選擇，可以坐在吧枱望住酒櫃一路喝一路選下一枝酒，好有Feel，同時也聽到Live band 歌聲，有點像去了高級酒店Lounge 的感覺。先點了一個12小時低溫慢煮燒乳豬件$238，是用了幾個月大的BB豬以低溫慢煮泡製的，是個用心的菜色，外皮入口極鬆化又脆口，皮和肉中間不多肥膏，肉質滑嫩，非常好食，而且配菜都好特別，醬汁更用了無花果蜜糖燒汁，同乳豬夾好夾，可以中和剛才食BB豬的肥膩感。鱈魚柳$308, 上枱時，覺得伴碟好靚，有如法國菜般，有一片黑色的脆餅，還有甜絲絲的紫薯蓉和粟米；而主角鱈魚柳超厚肉，魚肉有魚油香味，肉質夠彈牙，魚皮又脆口。飲品方面，見到有一個大水吧，好想試下沖調飲品，叫了Mocktail-Grapeson $68，個名好特別，飲落甜甜地，帶點酸。另一杯叫了kyoho blueberry milk$38，口感好滑。