宜家家居餐廳及咖啡室

營業中

休息中

呢間歐陸式餐廳其實黎過好多次， 今日一試， 仍然維持高cp 值。 首先是頭盤三文魚沙律， 將隨碟附送既醬料倒入三文魚同生菜中， 別有一番歐式風味。第二道菜係薯條腸仔拼盤， 食材味道不算特別， 但餐廳可任加芥未醬同蕃茄醬， 都算滋味。 第三道菜係瑞典肉丸， 本人覺得呢道菜可以講係呢間餐廳既王牌產品， 肉丸本身鬆軟， 加入己調制好既醬料， 十分之夾， 所以出左咁多年黎都仲係大受歡迎。最後係今期限定推出既海陸空牛扒餐， 因為價錢只係$83, 對呢塊扒本身期望不大， 但食第一啖與友人都一致認同味道好有驚喜， 成塊扒充滿牛既味道，以呢個價錢黎講真係唔差。 是次晚餐與友人點了4 道菜， 2 個飲品， $200 左右己可埋單， cp 值高。