影片
更多
2022-01-06
457 瀏覽
Cafe Deco Pizzeria @九龍趁著公眾假期就同朋友一齊去西九行下，去之前就係Elements搵咗一間高CP值嘅意大利餐廳，Cafe Deco Pizzeria食Lunch🍽我地一行四人分別叫左西班牙風味八爪魚、帶子蟹肉海鮮汁意大利飯、豚面頰肉貝殼粉同埋海鮮至尊pizza。西班牙風味八爪魚係熱盤，擺盤都算精緻，有薯仔粒，番茄仔，醃橄欖粒，燒八爪魚粒，同埋頗具西班牙風味嘅醬汁同橄欖油。八爪魚切到細細粒十分容易入口，而且肉質彈牙，配菜同樣出色，除左橄欖粒偏鹹，總概而言，風味十足，食完仲有啲意猶未盡。帶子蟹肉海鮮意大利飯同樣煮得好岀色！帶子大大粒同好新鮮，啖啖蟹肉之如仲有蘆筍、茴香、羅勒同蕃茄做配料，無論係聞定味道都真係好有意大利風味🇮🇹美中不足係份量略細，4人分黎食就真係得一人一啖，食得唔夠爽😂豚面頰肉貝殼粉都幾好食😋首先餐廳揀咗面頰肉，咬落都幾彈牙同淋，貝殼粉亦煮得幾好，軟硬適中，再配上蛋黃、橄欖、半乾蕃茄、脆煙肉同埋烤豬肉脆皮，口感十分豐富同好有層次，簡直係回味無窮呀！海鮮至尊薄餅嘅烹調方法幾特別，佢地係用特製嘅石爐焗pizza，呢種爐可以令薄餅受熱更均勻。薄餅係即叫即焗，
趁著公眾假期就同朋友一齊去西九行下，去之前就係Elements搵咗一間高CP值嘅意大利餐廳，Cafe Deco Pizzeria食Lunch🍽
我地一行四人分別叫左西班牙風味八爪魚、帶子蟹肉海鮮汁意大利飯、豚面頰肉貝殼粉同埋海鮮至尊pizza。
西班牙風味八爪魚係熱盤，擺盤都算精緻，有薯仔粒，番茄仔，醃橄欖粒，燒八爪魚粒，同埋頗具西班牙風味嘅醬汁同橄欖油。八爪魚切到細細粒十分容易入口，而且肉質彈牙，配菜同樣出色，除左橄欖粒偏鹹，總概而言，風味十足，食完仲有啲意猶未盡。
帶子蟹肉海鮮意大利飯同樣煮得好岀色！帶子大大粒同好新鮮，啖啖蟹肉之如仲有蘆筍、茴香、羅勒同蕃茄做配料，無論係聞定味道都真係好有意大利風味🇮🇹美中不足係份量略細，4人分黎食就真係得一人一啖，食得唔夠爽😂
豚面頰肉貝殼粉都幾好食😋首先餐廳揀咗面頰肉，咬落都幾彈牙同淋，貝殼粉亦煮得幾好，軟硬適中，再配上蛋黃、橄欖、半乾蕃茄、脆煙肉同埋烤豬肉脆皮，口感十分豐富同好有層次，簡直係回味無窮呀！
海鮮至尊薄餅嘅烹調方法幾特別，佢地係用特製嘅石爐焗pizza，呢種爐可以令薄餅受熱更均勻。薄餅係即叫即焗，薄餅邊位酥脆，餅底外脆內軟，海鮮材料好豐富，包括蟹肉、帶子、蝦、墨魚同蜆肉，全部海鮮都係好新鮮🍕，真係好正😍難怪每枱都最少叫一份pizza!
$165
14 瀏覽
0 讚好
0 留言
17 瀏覽
0 讚好
0 留言
13 瀏覽
0 讚好
0 留言
13 瀏覽
0 讚好
0 留言
張貼
