影片
更多
2019-07-30
225 瀏覽
酒友飯聚、嘗鮮又嘗新～ 鼓汁山椒炒花甲師傅功力夠、感受到係用猛火急炒非常夠鑊氣、廚房同出菜部夾得好、碟炒花甲上枱時重熱辣辣冒著煙、大排檔風味十足、靈魂嘅料頭豆鼓、蒜頭、山椒、爆炒香氣十足、配料青椒洋蔥剛剛熟、有驚喜、好快就清咗碟（真係成碟除左d花甲殼清哂）、要挑剔的話花甲偏細隻、鮮甜味弱咗小小。～ 鹵水鵝紅鹵水汁入口帶各種藥材幽香、當中相信包括桂皮、八角、薑、川椒、蒜頭、甘草等等，配合生曬高品質醬油味道非常平衡、鵝紅選料上剩、配合慢火鹵煮時間剛剛好、鵝紅入口軟滑帶點點咬口、再配一口清涼嘅 Chablis 白酒，好味道。要挑剔的話鹵水膽未夠醇厚、這只是時間的問題、多一兩個月日日慢慢鹵煮沉澱一下就可以了。師傅好嘢！～ 金牌鹵水鵝件併鵝腸鹵汁膽靚唔再重覆了、鵝肉和鵝腸選料精當、鵝腸係用帶肥膏嘅上等貨色。要挑剔的話鹵煮時間稍為未夠火喉、鵝肉入口帶韌有渣、鵝腸同鹵汁似分咗手嘅情侶、味道各自各的、浪費咗成擔心機去弄個鹵水～化皮燒腩仔選用上等靚料嘅五花腩、真正做到皮脆肉嫩、入口咬落滿有肉汁、正！賣$98嘅份量同質素、直心講非常合理。～食神义燒煎蛋飯义燒用上靚料嘅梅頭肉、入口細嫩無渣、米飯粒粒分明、配
～ 鼓汁山椒炒花甲
鼓汁山椒炒花甲
$128
14 瀏覽
0 讚好
0 留言
師傅功力夠、感受到係用猛火急炒非常夠鑊氣、廚房同出菜部夾得好、碟炒花甲上枱時重熱辣辣冒著煙、大排檔風味十足、靈魂嘅料頭豆鼓、蒜頭、山椒、爆炒香氣十足、配料青椒洋蔥剛剛熟、有驚喜、好快就清咗碟（真係成碟除左d花甲殼清哂）、要挑剔的話花甲偏細隻、鮮甜味弱咗小小。
～ 鹵水鵝紅
鹵水鵝紅
$45
13 瀏覽
0 讚好
0 留言
鹵水汁入口帶各種藥材幽香、當中相信包括桂皮、八角、薑、川椒、蒜頭、甘草等等，配合生曬高品質醬油味道非常平衡、鵝紅選料上剩、配合慢火鹵煮時間剛剛好、鵝紅入口軟滑帶點點咬口、再配一口清涼嘅 Chablis 白酒，好味道。要挑剔的話鹵水膽未夠醇厚、這只是時間的問題、多一兩個月日日慢慢鹵煮沉澱一下就可以了。師傅好嘢！
～ 金牌鹵水鵝件併鵝腸
金牌鹵水鵝件併鵝腸
$148
11 瀏覽
0 讚好
0 留言
鹵汁膽靚唔再重覆了、鵝肉和鵝腸選料精當、鵝腸係用帶肥膏嘅上等貨色。要挑剔的話鹵煮時間稍為未夠火喉、鵝肉入口帶韌有渣、鵝腸同鹵汁似分咗手嘅情侶、味道各自各的、浪費咗成擔心機去弄個鹵水
～化皮燒腩仔
化皮燒腩仔
$98
11 瀏覽
0 讚好
0 留言
選用上等靚料嘅五花腩、真正做到皮脆肉嫩、入口咬落滿有肉汁、正！賣$98嘅份量同質素、直心講非常合理。
～食神义燒煎蛋飯
食神义燒煎蛋飯
$68
12 瀏覽
0 讚好
0 留言
义燒用上靚料嘅梅頭肉、入口細嫩無渣、米飯粒粒分明、配上上等嘅甜豉油、一流。要挑剔的話如果糖心蛋可以俾多小小心思能做到猛油燶邊煎蛋的話就更上一層樓
～ 馬垃盞醬爆蝦球
馬垃盞醬爆蝦球
$148
9 瀏覽
0 讚好
0 留言
鮮蝦是用上等貨、不過師傅做小了一個泡油嘅基本工、炒西芹過咗火、上枱後成碟嘢有種水汪汪的感覺、味道亦打咗節扣、應該廚房為咗效率而放棄嘅功序
～菠蘿咕嚕肉
菠蘿咕嚕肉
$98
5 瀏覽
0 讚好
0 留言
炒工好、豬肉選料肥瘦適中、配料選用新鮮菠蘿加分、爆炒青椒洋蔥剛剛熟、芡汁做到剛剛均衡地掛到每件豬肉和配料上、唔會多、唔會小、好功夫！
～ 金勾啫啫介蘭煲
金勾啫啫介蘭煲
$88
5 瀏覽
0 讚好
0 留言
夠哂鑊氣、介蘭青嫩爽口、要挑剔的話料頭入面嘅金華火腿粒需要淼一淼水、有點咸
～ 車仔麵餐小吃
車仔麵餐小吃
5 瀏覽
0 讚好
0 留言
純點小吃走麵配蘿蔔、豬皮、魷魚鬚、豬大腸、滷水雞翼、牛柏葉配花雕濃雞湯
真心㗕係成晚最失望嘅出品、成碗湯渾濁無比同淡而無味，會濁的原因我覺得是長時間用大火滾煮讓食材內的蛋白質呈現乳化狀態（即混濁物), 豬皮過咗火軟pat pat、期待嘅花雕濃雞湯入口淡而濁、失望中的失望、其它食材不過不失、勉強合格。
綜合嚟講係一間適合一大夥朋友開開心心共聚的高階茶記、一次過能滿足哂想食各種茶記嘅食物、價錢對比出品質素非常合理的小店。支持！新張期間重有八折優惠！
張貼
