鮨蕾 (已結業)

某天，朋友帶咗我嚟超高質嘅廚師發板！原來呢度係新開嘅！裝修好靚！先來一個即炸薯片做前菜！好脆，唔油！好吊味！刺身三點，有齊拖羅，帶子同蝦，拖羅十分肥美，有入口即溶嘅感覺！另外帶子亦都十分之新鮮！超級厚肉！好鮮甜味美！蝦好彈牙鮮甜！超高質！章紅魚刺身，加左柚子sources同日本嚟嘅青檸皮碎。未試過食白魚刺身係咁彈口，好鮮甜！有𡁻口！醬汁味道清新！好配搭海膽又creamy又新鮮！好享受！茶煮八爪魚壽司估唔到八爪魚可以咁淋咁甜，而且好入味！軟腍腍又鮮味！拖羅肥美！，海膽好甜，一d都唔苦！好正！𩶘魚青柚子碎 ，好彈牙鮮甜！呢個係沒有澱粉質嘅蛋糕，用蛋打成泡沫，再去蒸嘅蒸蛋，口感真係好似蛋糕咁鬆軟，而且有蛋味，甜甜地，好特別！絕對響第二度未試過的一個味覺！來自日本嘅岩蠔！勁大勁甜！有少少海水味！感覺好新鮮！大蜆麵豉湯好鮮甜，蜆肉大又甜！最後有日本靜岡縣嘅蜜瓜，作為完結呢一個美滿晚餐嘅甜品！好幸福！